بجد أشكرك يا عبير على مناقشة هذا الموضوع
أتمنى من الجميع أن يشارك فى ارسال تلك الرسالة إلى كل العناوين المذكرة
"هذا أضعف الإيمان"
حالاً سأنتهى من إرسالها ، ويا ريت تصممى بانر صغير وظريف للموضوع ده عشان ننشره فى كل المدونات عشان نعرف أكبر فئة من مستخدمى الإنترنت ..
أكرر شكرى مرة أخرى.

رجاء إضافة إميل الأستاذ الكبير أنيس منصور
anis@ahram.org.eg

فهو مهتم بقضايانا فى عموده اليومى "مواقف"

أيضا دعينا نوحد عنوان الرسالة
أنا سميتها:
"هام وعاجل من مستخدمى الإنترنت فى مصر!"

أخى العزيز مادز
لا شكر على واجب. فالقضية يا مادز خطيرة ومستفزة. ومعناها تقييد أيدينا وقبلها عقولنا وحريتنا. وردنا إلى طور القاصرين، اللى لازم ميقعدوش على النت أكتر من ساعتين فى اليوم، عشان يناموا من المغرب ويقوموا حلوين ومفرفشين!
أما عن البانر. فيمكن أن أصممه، لكن هل تقصد أن أوزع كوده الذى يحتوى على رابط الموضوع الذى كتبته وتوزيعه على المدونات الأخرى لتنشره. أم ماذا؟
عموما أنا سأبدأ فى تصميمه إن شاء الله وسأعطى كوده لك، ولو كان عندك تصميم أفضل فليتك تقدمه مشكورا.
وسأضيف اميل أنيس منصور إن شاء الله.
وأنا أتفق معك فى توحيد عنوان الرسالة ليكون العنوان الذى اخترته.
ولا يسعنى إلا أن أشكرك شكرا جزيلا على اهتمامك ومشاركتك

الاخ العزيز مادز
كود الاعلان عن الموضوع ومعه الرابط هو
<a href="http://dodo555555.jeeran.com/archive/2007/7/274700.html"_blank">; <img src="http://cdnll.img1.imagechef.com/w/070723/sampdae3cd2274b3be26.jpg"; alt="ImageChef.com - Custom comment codes for MySpace, Hi5, Friendster and more"/> </a>

ابله الناظره
بيحاربوا الفقير
المثل بيقول
لما انا امير وانته امير
مين يربط لنا الحمير
ليه تحديدا جايين على سرعة 256 لانا انا وانتي والمسحوقين بنستعملها
الرعاع زي النعماني بقلهم كلمه ومدونه ع النت
همه مش عاوزين الكلام ده
ليه قننوش السرعات التانيه
لانها بتاعتهم
اما الرخيص المغيص اللي يوصل كلمة الغلابه اللي زي حلاتي يقطعوه
ليه يكون له صوت
لازم يضيقوها عليه

السلام عليكم
اختى الغالية عبير
اشكرك على نشر هذا الموضوع
وربنا يكون فى عون الشعب المصرى
حقة مهضوم من دون الشعوب
هنعمل اية بقى
كان الله فى عون الجميع

الاخت العزيزة /عبير
الحكومة بتشتغلنا امام اعيننا
الحمد لله انا بظبط كل حاجة في النت كافية ومريح دماغي من الحكومة
شكرا جدا علي موقفك الايجابي وان شاء الله تعود كل حاجة زي الاول واحسن

استاذة عبير
هى الحكومة كدة ماتلاقيش حاجة فيها متنفس للغلابة الا وتقفلة .وحكومة احمد نظيف دى حكومة (قدمها احفر)يعنى عينها وحشة ماتقرش على حاجة وربنا يصلح حالها
وبالمناسبة هو كان اسمة اية قبل نظيف .
صدقينى ياعبير كل الشكاوى دى مش هتاكل مع العالم دول لازم موقف ايجابى يشعرهم ان فية حد مش عاجبة قراراتهم .ولازم الكراسى تحتهم تتهز علشان يخافوا ويتراجعوا .وبعدين الهدف مش التوصيلات الهدف هنا هو احنا المدونيين الظاهر ان التدوين بدأ ينقح عليهم وعايزين يتخلصوا منة .اما بالنسبة للاخ طارق كامل بتاع الاتصالات فانا اقترح تحديد يوم معين نتوقف فية جميعا عن استخدام التليفون العادى والموبايل والنت وكل مايخص وزارة الاتصالات وبعدها نشوف هيحسوا بينا ولا اية.
احساسك عالى بمشاكل الناس .احييك علية.
عادل نجم

مازالت عمليات الامركة مستمرة والبجح في التطبيق مستمر ولا احب ان اسمع كلمة الخنوع حسبي الله ونعم الوكيل هذا خنوع احب ان نواجه انا اواجه بمفردي ما فيا العلاج وسأستمر فيه مصايب كبيرة شركات الدواء الامريكي تحارب 850دواء مصري منتج في السوق فعلا شفتي البجاحة وصلت لفين وعلى رأي المثل البيت بيت ابونا والغرب بيطردونا( مش كده ولا أيه )

عزيزتي عبير
النصب والاحتيال في كل مكان وان كانت هذه قضية تخص الجانب المصري فهي منتشرة بكل مكان ايضا
وهنا اتصالات النت تتبع القطاع الخاص وليس الحكومي ومع هذا تجد كيف تستخدم الشركات اسلوب الضحك على المواطن الذي لا يفهم كيف يحسب تكلفة الاتصال ليفاجئ بالنهاية بفواتير عالية
وهنا ايضا تم الاعلان عن تخفيضات كبيرة باسعار الاتصالات بالنت لكن مع حسبة بسيطة تجد انك تدفع اكثر مما كنت تدفع سابقا باستخدام اسماء ابواب اخرى ورسوم وغيرها دون ان تكون ذكيا لتدرك الفرق
نتمنى ان نقوم بحملة شاملة عربية على النصب بكل انواعه
واشكرك على هذا الطرح الذي لا زلت اعاني من موضوعه حيث ان اشتراكي القديم سينتهي هذان اليومان ولازلت بحيرة هل ابقيه ام اشترك بالجديد الذي يبدو منخفض ظاهريا ولكنه اغلى في النهاية
لك تحياتي ومودتي

حقيقى مهزله

حكومتنا معدش بيهمها حد ، ولا بيهمها ان تعسفها اصبح ظاهر للعيان بأبشع صوره ، واستنزافها لصبرنا فاق الحدود ، واعتمادها على سذاجتنا وطيبتنا وسكوتنا وسلبيتنا فى اغلب الاحيان هيوديها فى داهيه لان لكل صبر حدود ونهاية .....

مش عارفة اقول ايه تانى اوصف بيه مشاعر الازدراء لحكومة لايهمها الا اشباع البطون المنتفخه بثروات الشعب الغلبان نهبا وسرقه ودون اى وجه حق واولهم الكبييييييييييييير .....

عزيزتى/ عبير
هل شاهدتى مسرحية( دول عصابة يابا)
همه نفس العصابه وأن اختلفت الاساليب
و مبدأهم واحد(وراهم حتى آخر جنيه معاهم)و أدعوكى لمشاهده الكليب الخاص بهذا الموضوع اليوم أو غدا.
مع تحياتى.
علاء الغندور

أهلا بالسيدة الرائعة بنت بلادي الجميلة دانتيلا
مررت لألقي بعض التحايا العطرة فلاقيت شتيمة كبيرة من الحكومة هازءة بنا و بحرية التقدم التي اعتقدنا لوهلة أننا قد حظينا بها من خلف ظهور المتعولمين !

سمعت عن هذا الموضوع أمس في برنامج الاستاذ عمرو أديب في برنامجه القاهرة اليوم و أثار الموضوع ذهني الصدئ و أشاط غضبي المستكين منذ فترة !!

المهم تصفيق حار مني لكي لاثارة الموضوع " نتيا " أو " شبيكيا " أو لنجعله " جيرانيا " سيدتي أعتقد أن مقالك سيجد الرد و الفعل عن قريب فشكرا لك و دمت سالمة و كان الله بالعون

عبير
انا كتبت فى نفس الموضوع من زاوية اخرى اتمنى ان تزورى مدونتى وتشوفى نتيجة عمل البحث دة وهيعتبر اضافة لموضوعك
عادل نجم

عزيزتي عبير
لا قول إلا
حسبنا الله ونعم الوكيل

لابد وان نتكلم
لابد وان نقول لا
ولكن من سيسمع صوت من لا صوت لهم؟؟؟؟؟؟؟
تاني
حسبنا الله ونعم الوكيل
تحياتي

دودو
ازيك الاول !!
بالنسبه للموضوع مش عارفه اقولك ايه ! ولا هيفضلو يخنقو على البلد لغايه امتى ! لما شبابها يطفشو مثلا ؟؟؟؟؟
دلوقتى انسى لو حد قالك بعد التخرج اعد فى بلدى و قرارات الحكومه و افعلهم هيا اللى عامله كده فينا و فى الاخر يقولو " شباب معندهمش انتماء "
ما هما اللى خنقونا
بالنسبه للرساله انا بعتها للايميلات الموجوده و يارب حد يعرف يعمل حاجه و يساعد جميع مستخدمى النت

يللا سلام

أولا صباح الخير
ثانيا عبير النيل يا نيل الفكر الجميل

احنا عندنا في الزقازيق اشتراك نت أربعة وعشرين ساعة ب 20 جنيه فقط أكيد عندكم مشكلة غريبة اشتكو للجهات المختصة لأن أسعارنا بردو تابعة للحكومة وشكرا يا غالية علىهمومك الوطنية المخلصة

عزيزتي عبير
السلام عليكم و رحمة الله

أعجبت كثيرا باهتمامك هذا و هكذا عودتينا يا عبير
أما النصب و الإحتيال فلم تخل منه أية رقعة من بلداننا خاصة المتصهينو المتأمركة منها
و هذا ما يحصل للضعفاء و الغلبانين يا عبير لتبقى مصلحة القوي فوق الكل

مجهودك جبار و لك التوفيق و أتمنى أن تنجح هذه الحملة

أختك سعاد

سيادة الوكيل
الحكومة لا تقول لنا:
لما انا امير وانته امير
مين يربط لنا الحمير

وإنما تقول:
لما انا أمير وانته أمير
امال مين فينا الحمير؟!

والاجابة معروفة مسبقا.. الشعب طبعا هم ال( )
وما دام الشعب كذلك، فالواجب كتمان صوته لأن ( إن أنكر الأصوات لصوت الحمير)

العزيز احمد الباشا
صدقت فشعبنا مسحوق مسحوق للنخاع

العزيز فالنتين
طيب ادعى ربنا ان اسعار النت كافيه ما تولعش بعد هذه القرارات الظالمة

العزيز ابو النجوم
فعالا الحكومة الآن تحس بمدى اهميتنا كمدونين، وأن تأثيرنا اصبح لا يقل عن باقى وسائل الاعلام، لذلك فهى تحاربنا بضراوة.
شكرا لك على رأيك الهام

العزيز خالد الصاوى
الله يلعن امريكا. عارف يا صاوى أنا عمرى ما شفت فى التاريخ بلد أكثر شرا من أمريكا.
يارب يكون فى عونك وينجح حملاتك ضد مافيا الدواء

حبيبتى وملكتى منى.
عارفة يا منى، كان فى قصةلإحسان عبد القدوس اسمها: يا عزيزى كلنا لصوص.
وأنا أعتقد أن عنوان هذه القصة واقعى إلى حد كبير فى ظل النصب الذى نتعرض له هنا فى كل لحظة
اطيب الامنيات لك بأن يحميك الله من عمليات النصب

العزيزة نور
عارفة يا نور انهم عملوا احصائية تبين فيها ان المصريين هم أكثر الشعوب فى العالم سخطا على آداء حكومتهم.
الشعب خلاص فاض بى ومل

هم يريدون ان ينصبوا عليكم...و يريدون كدلك ان لاتستخدموا النيت كثيرا وتناموا باكرا ولاتتابعوا ما يحصل في العالم...يعني ببساطة سياسة التجهيل...ماهي بلاد العرب عظيمة في اختراع وسائل القهر وتحطيم الرؤوس والعزيمة...ترى دول توفر النيت لمواطنيها باسعار زهيدة ورمزية وترى اكبر بلد عربي يؤدي فيه المواطن 300جنيه ليرتبط...طبعا ما طريق العرب في اتجاه معاكس لكل الطرق في العالم...

الخطر الأكبر في هذه التعديلات الانترنيتية أنها تتطلب تعديلات تقنية تُكرّس استخدام «الخادم الوكيل» «بروكسي سيرفر» Proxy Server، إذ انها الطريقة الوحيدة لتحديد ما يُسمى بـ» كوتا» المشتركين المتضمنة في تلك القرارات. والمعلوم أن استخدام «الخادم الوكيل» من شأنه تسهيل الرقابة على أنشطة المستخدمين، كما أنه يُسهل حجب المواقع....الإجراءات الأخيرة من شأنها كدلك التأثير سلباً في عمل المدوّنين الالكترونيين، وخصوصاً أولئك الذين يحتاجون وضع كميات كبيرة من الصور وملفات الفيديو على مدوّناتهم الشبكية، لأن الحزم المتوافرة راهناً لن تكفي حتى ليومين شهرياً.
ادن الامر واضح...هو التضييق ثم التضييق على المدونين حتى ينعم المسؤولون بالامان وراحة البال..

العزيز الغندور
لسه قايلة لأختى منى عنوان قصة احسان عبد القدوس: ياعزيزى كلنا لصوص.
شفت كليب الضرائب. بسة مصممة برضه آخد الألف جنيه!

الشاعر الجميل دكتور محمد أبو شوشة
شكرا لك على تعليقك الجميل، وأتمنى ان تسمعنا الحكومة هذه المرة ولا تعمل ودن من طين وودن من عجين
ألقاكم على خير ان شاء الله فى لقاء الاسكندرية

العزيز أبو النجوم
البحث الذى قمت بنشره بحث أكثر من رائع ويجب ان يطلع عليه جميع المدونين ليستفيدوا منه.
أطيب تحية لك

حبيبتى الغالية نبيلة غنيم
وأنا أشاركك الدعاء: حسبنا الله ونعم الوكيل
دمت بكل خير وسعادة

حبيبتى لوليتا
عارفة يا لوليتا انك جدعة جدا وعملية.
فلقد قمت بارسال الرسالة الى الايميلات الواردة بالموضوع.
بجد بجد تستاهلى بوسة

حبيبتى محاسن
يارب تتراجع الحكومة عن موقفها ويفضل اشتراك النت بهذا السعر وهذه الكيفية.
أطيب الامنيات لك

حبيبة قلبى الغالية سعاد
يارب تنجح هذه الحملة. شكرا لك يا غالية على هذا الدعاء المخلص.
دمت سالمة

العزيز أمين. ألم أقل لك أننا مطحونين ومسحوقين للنخاع؟!
ومما زاد الطين بلة، أننا غير مرغوب فينا من قبل الحكومة، لأننا من فئة المدونين

مع الاسف لنا الحق ان نقول ما نريد و لهم الحق ان يفعلوا ما يريدون