عندما فاجأنى عمنا النعمانى بقوله: لقد دعوتك لكى تضيفينى على الماسنجر ولكنك رفضت، قلت له: من المؤكد أننى رفضت دعوتك عن طريق الخطأ، ففى العادة نظرا لأنى لا أدخل على الشات، لا أدقق كثيرا فى الدعوة للماسنجر فأغلقها دون أن أعرف من يكون صاحبها، ولو عرفت أنك صاحب الدعوة لفرشت لك النت رملة وزهور
وهذا ما حدث بالفعل، فنظرا لكراهيتى الشديدة للشات لأنى أرى أن معظمه ضحك على الذقون بين شخصيات وهمية,أجد يدى تسارع برفض أى محاولة انترنتية لاختراقى عبر الماسنجر أو إخوانه، لدرجة أننى دخلت فى مناوشة مع أحد الظرفاء الذين حاولوا عمل محادثة معى وانتهت بدعوة حارقة من قلبى: الله يخرب بيت الشات واللى اخترع الشات
والغريب أنه لم يتوقف عن المحادثة بعد هذه الدعوة، فأخذ يسأل ويستفسر ويقول: لماذا تقولين هذا ؟ هل أغضبتك؟ وإذا كنت قد أغضبتك فأنا آسف و.............إلخ، مما جعل ضغط دمى يرتفع ، لكننى حاولت أن أتذرع بالصبر وأنهى معه المحادثة فقلت له: لا لم تغضبنى ومع السلامة يا أخى
فقال وبكل ما أوتى من أعصاب باردة: طب ممكن رقم المحمول؟
وقبل أن أشد شعر رأسى شددت فيشة الكمبيوتر حتى أتخلص من ذلك العبث
ليس معنى ذلك أننى أرفض الشات تماما، لا طبعا ولكن بشرط أن يكون بين شخصيات محترمة معروفة مثل الأخ النعمانى، إما أن أتكلم مع شخصية من نسج الخيال، فهذا أمر طريقه مسدود مسدود مسدود يا ولدى، مع الاعتذار لأغنية عبد الحليم حافظ
وفى مقال طريف يحكى لنا الصحفى محمد جابر عن نذالته فى عالم الشات فيقول
النهارده هنحكى عن عبقريتى الفذة مع الشات. والمشكلة انى مش من هواة الشات وكنت بدخل لما كنت بضيع وقت
أول القصيدة اتعرفت على بنت وبعد حوار طويل طلبت انى أوصف لها نفسى
واشتغل يا معلم. واختصرت الوصف وبعت لها صورة برات بيت وقولتلها إن فى اختلاف واحد بينى وبينه ألا وهو اللغة. وبعد فترة طلبتنى للجواز بعتلها عنوانى فى هوليوود
وواحد تانى اتعرفت عليه لاقيته نازل سب ولعن ومبهدل إسرائيل الشقيقة. وقال بعد كده هات اميلك عشان أبعت لك حاجات تدين إسرائيل. ومكدبتش خبر وبعت له اميل الموساد الإسرائيلى وتقريبا كده الوله ده خلصوا عليه. عشان يحرم يعيش فى دور رأفت الهجان ابن المحظوظة اللى كان عايش فى إسرائيل وغرقان فى الحريم. ده أنا لو كنت مكانه مع أول لمسة من استر كنت كريت شريط الموساد المصرى وكل الشفرات اللى ظهروا فى الجزءين بتوع رمضان
ما علينا. ربنا كرمنى بعد كده ودخلت غرفة شات فيها ناس بيتكلموا عن الدين قلت يمكن ربنا يهدينى واسمع كلمتين ينفعونى فى الآخرة. اكتشفت انهم بيتكلموا عن سياسة أمريكا والانتقام والكلام الفاضى ده
بس بجد الدمعة كانت هتفر من عينى. وطبعا مش محتاجة كلام فهمتهم إنى أسامة بن لادن وبقيت رئيس قاعدة الشات. وتقريبا العيال دى بيقضوا الصيف ده فى جوانتانامو
واتعرفت على واحدة يتيمة يا حرام. وكل ما افتح معها الشات أشغلها كل أغانى الأمومة من أول ماما زمنها جاية لحد بابا أوبح. شغل ندالة بقى عشان تحرم تشيت
وطبعا أقل حاجة عندى ومنتشرة جدا هى انى أدخل باسم بنت واشتغل أصحابى التعبانين وخد عندك. والنبى افتحى الكاميرا. والنبى طيب رقم التليفون. وكنت بعمل أحلى واجب وأديهم فوق دماغهم. والحمد لله ان الاميل اللى بكتبه تحت غلط عشان دواعى الانتقام
said:
said:
said:
said:
said:
said:
من مصر